1.ՀՀ Տաշիր համայնքի ղեկավարի որոշման կարգավորման առարկան

 Քաղաքացիներ Էլմիրա Դալալոյանը և Արթուր Դալալոյանը  հանդիսանալով հողի հարկ վճարող սուբյեկտ, « Հողի հարկի մասին»  ՀՀ օրենքով սահմանված կարգով չեն կատարել հողի հարկ վճարելու պարտականությունը, ինչի կապակցությամբ 2020 թվականի օգոստոսի 17-ին  « Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետի հիմքով Տաշիրի համայնքապետարանի աշխատակազմում հարուցվել է վարչական վարույթ՝ հողի հարկի գանձման հարցի քննության նպատակով:
 «Վարչարարության հիմունքների և վարչական վարույթի մասին» Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ օբյեկտիվ քննության արդյունքում բացահայտելով գործի բոլոր հանգամանքները, վարչական մարմինը հաստատված է համարում հետևյալը. 
2.  Վարչական ակտն ընդունելու համար հիմք հանդիսացող փաստերը.
 Համաձայն ՀՀ ԿԱ ԱԳԿ ՊԿ կողմից տրված տվյալների՝ Տաշիր համայնքի Մեդովկա բնակավայրի  տարածքում 12 տարբեր չափսերի, տարբեր կարգի և նշանակության 5․0805 հա ընդհանուր մակերեսով հողամասերը հանդիսանում են Մեդովկա բնակավայրի  բնակիչներ  Էլմիրա Դալալոյանի և Արթուր Դալալոյանի սեփականությունը,որոնք «Հողի Հարկի մասին» ՀՀ օրենքով համարվում են հարկվող օբյեկտ:
Հողամասերի համար վճարման ենթակա հարկը կազմում է 856․682 (ութ հարյուր հիսունվեց հազար վեց հարյուր ութսուներկու) ՀՀ դրամ,ինչը մինչև 2020 թվականի սեպտեմբեր ամիսը չի վճարվել:
Քաղաքացիներ Էլմիրա Դալալոյանի և Արթուր Դալալոյանի հողի հարկը վճարելու պարտականությունը կազմում է 586․987 (հինգ հարյուր ութսունվեց հազար ինը հարյուր ութսունյոթ) ՀՀ դրամ՝ ապառք,որը օրենքով սահմանված ժամկետում չվճարելու արդյունքում առաջացել է տույժ՝ 269․695 (երկու հարյուր վաթսունինը հազար վեց հարյուր իննսունհինգ) ՀՀ դրամի չափով:
2020 թվականի օգոստոսի 17-ին «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի առաջին մասի «բ» կետի հիմքով Տաշիրի համայնքապետարանում հարուցված վարչական վարույթի շրջանակներում 2020  թվականի սեպտեմբերի 17-ին հրավիրվել են վարչական վարույթի լսումներ, որին մասնակցելու  նպատակով պատշաճ ծանուցվել և  չի ներկայացել   քաղաքացիներ Էլմիրա Դալալոյանը և Արթուր Դալալոյանը (հիմք՝ փոստային անդորրագիր 31.08.2020) :
 (Վարչական վարույթի լսումներն իրականացվել են պատշաճ ծանուցված քաղաքացիներ Էլմիրա Դալալոյանի և Արթուր Դալալոյանի բացակայությամբ):

 3. Վարչական ակտ ընդունելու հիմնավորումը.
 ՀՀ Սահմանադրության 60-րդ հոդվածի համաձայն՝ յուրաքանչյուր ոք պարտավոր է օրենքով սահմանված կարգով և չափով մուծել հարկեր, կատարել պարտադիր այլ վճարումներ:
Համաձայն «Հողի հարկի մասին» ՀՀ օրենքի 1-ին հոդվածի՝ հողի հարկ վճարողներ են հանդիսանում  հողի սեփականատերերը,պետական սեփականություն հանդիսացող հողի մշտական օգտագործողները:
Համաձայն «Հողի հարկի մասին» ՀՀ օրենքի 16-րդ հոդվածի` հողի հարկի գումարը համայնքի վարչական սահմաններում գտնվող հողամասերի համար վճարվում է հարկվող օբյեկտի գտնվելու վայրի համայնքի բյուջե:
Համաձայն ՀՀ հարկային օրենսգրքի 401-րդ հոդվածի՝ հարկային վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը կամ հարկային գործակալը վճարում է տույժ՝0.04 տոկոսի չափով։
Հարկային պարտավորությունների գծով գումարների վճարումը սահմանված ժամկետից ուշացնելու դեպքում տեղական ինքնակառավարման մարմինը որոշում է կայացնում հարկ վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում վերջինիս:
 Ելնելով վերոգրյալից և ղեկավարվելով   «Հողի հարկի մասին» ՀՀ օրենքի 1-ին,16-րդ, ՀՀ հարկային օրենսգրքի 398-րդ, «Վարչարարության հիմունքների և վարչակական վարույթի մասին» ՀՀ օրենքի 53-րդ, 58-60-րդ հոդվածներով`

 ՈՐՈՇՈՒՄ ԵՄ ՝

1․Քաղաքացիներ Էլմիրա Դալալոյանից և Արթուր Դալալոյանից հօգուտ Տաշիր համայնքի բյուջե գանձել 856․682 (ութ հարյուր հիսունվեց հազար վեց հարյուր ութսուներկու) ՀՀ դրամ, որից 586․987 (հինգ հարյուր ութսունվեց հազար ինը հարյուր ութսունյոթ )ՀՀ դրամ՝ որպես ապառք, 269․695 (երկու հարյուր վաթսունինը հազար վեց հարյուր իննսունհինգ) ՀՀ դրամ ՝ որպես պարտավորությունը չկատարելու արդյունքում հաշվարկված տույժ:
2.Սույն որոշումը կարող է վարչական կարգով բողոքարկվել Տաշիրի համայնքի ղեկավարին՝ այն ստանալուց և դրա ուժի մեջ մտնելու օրվանից 2 ամսվա ընթացքում կամ դատական կարգով Հայաստանի Հանրապետության վարչական դատարան՝երկամսյա ժամկետում:
3.Սույն որոշման պահանջները կամովին չկատարելու դեպքում «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ենթակա է կատարման ՀՀ ԱՆ ԴԱՀԿ ծառայության միջոցով անբողոքարկելի դառնալուց հետո եռամսյա ժամկետում: 
4.Սույն որոշման կատարման ընթացքի նկատմամբ հսկողությունն իրականացնում է Տաշիր համայնքի ղեկավարը:
5.Որոշումը ուժի մեջ է մտնում ընդունմանմասին օրենքով սահմանված կարգով իրազեկման հաջորդ օրվանից: