Բովանդակություն * | 2021 թվականի փետրվարի 23-ին Տաշիր համայնքի ղեկավար Էդգար Արշակյանի մոտ տեղի ունեցավ հերթական աշխատանքային խորհրդակցություն, որին մասնակցում էին համայնքի ղեկավարի տեղակալը, տեղակալը, աշխատակազմի քարտուղարը, աշխատակազմի բաժինների պետերը: Համայնքի ղեկավարը ներկաներին հայտնեց, որ համայնքապետարանը թևակոխում է պատասխանատու շրջան և սահմանված ժամկետներում ավագանու հաստատմանը պետք է ներկայացվի համայնքապետարանի 2020 թվականի բյուջեի կատարման տարեկան հաշվետվությունը , 2021 թվականի աշխատանքային պլանը ինչպես նաև հայտնեց, որ ավարտվել են հանրային քննարկմները ն համայնքի ղեկավարի 2020 թվականի բյուջեի կատարման տարեկան և հաշվետու տարում Տաշիր համայնքի զարգացման ծրագրի իրականացման հաշվետվությունները: Տաշիր համայնքի ղեկավարը հանձնարարեց համապատասխան բաժինների ղեկավարներին շարունակել աշխատանքներն այդ ուղղությամբ և վերջնական տեսքի բերել փաստաթղթերը՝ հաշվի առնելով նաև հանրային քննակումների ամփոփումը: Քննարկվեցին նաև համայնքում աղբահանության և սանիտարական մաքրման աշխատանքներին. Համայնքապետարանի կողմից քաղաքացիներին մատուցվող ծառայություների մատուցման որակին վերաբերող հարցեր և տրվեցին հանձնարարականներ: Քննարկվեցին նաև համայնքապետարանի գործառույթներին վերաբերող այլ խնդիրներ և տրվեցին հանձնարարականներ դրանց լուծման նպատակով: |