Զեկ. ՆԱԹԵԼԼԱ ՄՈՒՐԱԴՅԱՆ

Ղեկավարվելով<<Տեղական տուրքերի և վճարների մասին >> ՀՀ օրենքի 16-րդ հոդվածի 1-ին մասով՝

1.Սահմանել Տաշիր համայնքի ՀՈԱԿ-ների ծառայություններից օգտվողների համար` համայնքի կողմից մատուցված ծառայությունների դիմաց փոխհատուցման գումարի չափով սահմանված տեղական վճարի գծով արտոնություններ կիրառելու նպատակով ներկայացվող փաստաթղթերի ցանկը՝

         1) Միակողմանի կամ երկկողմանի ծնողազուրկ երեխաների համար.

ա)երեխայի ծնողի կամ օրինական ներկայացուցչի դիմումը, անձնագրի (նույնականացման քարտի) պատճենը,

բ) երեխայի ծննդյան վկայականի պատճենը,

 գ) երեխայի ծնողի կամ ծնողների մահվան վկայականները:

          2) <<Հաշմանդամ երեխա>> կարգավիճակ ունեցող երեխաների համար.

ա)երեխայի ծնողի կամ օրինական ներկայացուցչի դիմումը, անձնագրի (նույնականացմանքարտի) պատճենը,

բ) երեխայի ծննդյան վկայականի պատճենը,

գ) Հայաստանի Հանրապետությունում բժշկասոցիալական փորձաքննության ոլորտում իրավասու պետական մարմնի կողմից <<Հաշմանդամ երեխա>> կարգավիճակ սահմանելու մասին տեղեկանքը:

         3) Ընտանիքի երեք և ավելի անչափահաս երեխաներից միևնույն ՀՈԱԿ հաճախող երեխաների համար.

ա)երեխայի ծնողի կամ օրինական ներկայացուցչի դիմումը, անձնագրի (նույնականացման քարտի) պատճենը,

          բ) երեխաների ծննդյան վկայականների պատճենները,

գ) երեխաների ՀՈԱԿ հաճախելու մասին տեղեկանքը:

         4) Հայաստանի Հանրապետության սահմանների պաշտպանության ժամանակ զոհված կամ հաշմանդամ դարձած զինծառայողների երեխաների համար

           ա) երեխայի ծնողի կամ օրինական ներկայացուցչի դիմումը, անձնագրի (նույնականացման քարտի) պատճենը,

           բ) Հայաստանի Հանրապետության սահմանների պաշտպանության ժամանակ զոհված ծնողի մահվան վկայականը,

           գ) Հայաստանի Հանրապետության սահմանների պաշտպանության ժամանակ հաշմանդամ դարձած ծնողի՝ իրավասու պետական մարմնի կողմից հաշմանդամի կարգավիճակ սահմանելու մասին տեղեկանքը:

2.Սահմանել աղբահանության հաշվարկված տեղական վճարի դրույքաչափի 50%-ի չափով նվազեցման արտոնությունրից օգտվողների համար` համայնքի կողմից մատուցված ծառայությունների դիմաց փոխհատուցման գումարի չափով սահմանված տեղական վճարի գծով արտոնություններ կիրառելու նպատակով ներկայացվող փաստաթղթերի ցանկը՝

1)      Անձնագրի պատճենը,

2)      Հայաստանի Հանրապետության սահմանների պաշտպանության ժամանակ հաշմանդամ դարձած զինծառայողի՝ իրավասու պետական մարմնի կողմից հաշմանդամի կարգավիճակ սահմանելու մասին տեղեկանքը,

3)      Ծառայողական պարտականությունների կատարման ժամանակ զոհված (մահացած) զինծառայողի մահվան վկայանը:

1.     Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: