Բովանդակություն * | 2021 թվականի հունվարի 11-ին ՀՀ Լոռու մարզի Տաշիր համայնքի ղեկավար Էդգար Արշակյանի մոտ տեղի ունեցավ առաջին աշխատանքային խորհրդակցություն, որին մասնակցում էին համայնքի բնակավայրերի վարչական ղեկավարները, աշխատակազմի կառուցվածքային ստորաբաժանումների ղեկավարները, համայնքի ղեկավարի տեղակալը և աշխատակազմի քարտուղարը: Համայնքի ղեկավարը շնորհավորոեց ամանորի կապակցությամբ և հույս հայտնեց, որ 2020 թվականի արհավիրքները ավելի մեծ ուժ և կորով կտան և 2021 թվականը կլինի արարման, զարգացման, հզորացման սեփական ուժերի նկատմամբ հավատի վերականգման տարի: Այնուհետև համայնքի ղեկավարը ներկայացրերց 2020 թվականի համայնքապետարանի կատարած աշխատանքները, ձեռքբերումները, բացթողումները՝ և ն 2021 թվականին կատարվելիք աշխատանքները: Քննարկվեցին համայնքապետարանի աշխատակազմի աշխատանքների արդյունավետության բարձրացման մեթոդների կատարելագործման ուղիները: Խոսվեց հանձնարարականների կատարման ժամկետների պահպանման և նրանց նկատմամբ պատասխանատվության բարձրացման անհրաժեշտության մասին: Խիստ ուշադրություն դարձվեց կարգապահական` ժամանակին աշխատանքի ներկայանալու և աշխատանքից չբացակայելու, հարցերին: Բաժինների պետերին հանձնարարվեց նշյալ հարցերը ուշադրության կենտրոնում պահել: Կարևորվեց այցելուների նկատմամբ բարյացակամ վերաբերմունքի դրսևորումը: Քննարկված հարցերի շուրջ արտահայտվեցին կարծիքներ և արվեցին առաջարկություններ: |