2016 թ-ի աշխատանքային առաջին խորհրդակցությունը սկսվեց քաղաքապետ Էդգար Արշակյանի շնորհավորական խոսքերով`Ամանորի, Սուրբ Ծննդի և աշխատանքային նոր տարվա կապակցությամբ:
Այնուհետև համայնքի ղեկավարը խոսեց նախորդ տարի քաղաքապետարանի կատարած աշխատանքների, ձեռքբերումների և բացթողումների մասին: Քննարկվեցին դրանց արդյունավետության բարձրացման նոր ուղիներ և մոտեցումներ, քաղաքապետարանի բաժինների զարգացման ծրագրերը, նախատեսված միջոցառումների պլանները, աշխատանքային մեթոդների կատարելագործման ուղիները:
Խոսվեց հանձնարարականների կատարման ժամկետների պահպանման և նրանց նկատմամբ պատասխանատվության բարձրացման անհրաժեշտության մասին:
Խիստ ուշադրություն դարձվեց կարգապահական` ժամանակին աշխատանքի ներկայանալու և աշխատանքից չբացակայելու, հարցերին: Բաժինների պետերին հանձնարարվեց նշյալ հարցերը ուշադրության կենտրոնում պահել: Կարևորվեց այցելուների նկատմամբ բարյացակամ վերաբերմունքի դրսևորումը:
Քննարկված հարցերի շուրջ արտահայտվեցին կարծիքներ և արվեցին առաջարկություններ: |