2023թ. ապրիլի 20-ին, ժամը՝ 12:30-ին, ՀՀ Լոռու մարզի Տաշիրի համայնքապետարանի շենքում տեղի ունեցավ «ՔԱՐԱԼԵՌ» ՍՊԸ-ի կողմից ներկայացված ՀՀ Լոռու մարզի Սարատովկայի բազալտների հանքավայրի շահագործման աշխատանքների շրջակա միջավայրի վրա ազդեցության նախնական գնահատման հայտի վերաբերյալ հանրային քննարկումներ /2-րդ փուլ/: Հանրային քննարկումներին մասնակցում էին ՀՀ Լոռու մարզի Տաշիրի համայնքի ղեկավարի առաջի տեղակալ Նորայր Բաղդասարյանը, «ՔԱՐԱԼԵՌ» ՍՊԸ-ի տնօրեն Ա.Մովսիսյանը, ՇՄԱՓԿ ՊՈԱԿ-ի մասնագետ Ն.Նասիբյանը, ընկերության բնապահպանական խորհրդատու Զ. Զուռնաչյանը և համայնքի բնակիչներ:
Հանրային քննարկման մասնակիցների անհատական կազմը և միջոցառման տեսաձայնագրության սկավառակը կցվում են սույն արձանագրությանը: Ելույթ ունեցան ՀՀ Լոռու մարզի Տաշիրի համայնքի ղեկավարի առաջին տեղակալ Ն. Բաղդասարյանը նշեց, որ համայնքում իրականացվում են 2-րդ հանրային քննարկումները: Համայնքը պատշաճ ծանուցված է, ամեն ինչ նորմայի սահմաններում է: Ն. Բաղդասարյանը նշեց, որ շահագրգռված են, որ իրակացվեն հանքարդյունահանման աշխատանքներ, ինչը կնպաստի համայնքի սոցիալ-տնտեսական վիճակի բարելավմանը, կստեղծվեն նոր աշխատատեղեր: ՇՄԱՓԿ ՊՈԱԿ-ի մասնագետ Ն. Նասիբյանը ներկայացրեց ՀՀ օրենսդրությունը, համաձայն որի «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի բոլոր հանքավայրերի արդյունահանման աշխատանքները ենթակա են շրջակա միջավայրի վրա ազդեցության փորձաքննության 2 փուլով 4 հանրային քննարկումների իրականացմամբ: Ներկայացվեց նաև փորձաքննական գործընթացը, նշվեց որ հայտն ուղարկվել է բոլոր գերատեսչություններին և նախարարության բաժիններին, և առաջարկություններով և դիտողություններով լրամշակվել է: Հնչեցին մի քանի հարցեր կապված հանքավայրի տեղադիրքի և շահագործման վերաբերյալ, որին ընկերության բնապահպանական խորհրդատու Զ. Զուռնաչյանը սպառիչ պատասխաններ տրվեց: Ելույթ ունեցան համայնքի բնակիչներ, ովքեր միաձայն ողջունեցին նախատեսվող գործունեությանը: Ամփոփելով հանրային քննարկման արդյունքները՝ մասնակիցները որոշեցին հավանություն և նախնական համաձայնություն տալ «ՔԱՐԱԼԵՌ» ՍՊԸ-ի կողմից ներկայացված ՀՀ Լոռու մարզի Սարատովկայի բազալտների հանքավայրի շահագործման աշխատանքներին: |