2026 թվականի օգոստոսի 28-ին՝ ժամը 14:30-ին, ՀՀ Լոռու մարզի Տաշիր համայնքի Միխայելովկա բնակավայրի վարչական ղեկավարի նստավայրում տեղի կունենա «Երեմյան Ֆարմ» ՓԲԸ-ի կողմից ՀՀ Լոռու մարզի Տաշիր համայնքի Միխայելովկա բնակավայրի վարչական տարածքում արդեն իսկ գործող խոշոր եղջրավոր կենդանիների ֆերմայում և խոզաբուծարանում կենդանիների գլխաքանակի ավալեցման և ֆերմայի վերազինման շրջակա միջավայրի վրա ազդեցության նախնական գնահատման վերաբերյալ հանրային քննարկումը (1-ին փուլ): Հանրային քննարկման մասնակիցների ցանկը և հանրային լսումների սկավառակը կցվում են սույն արձանագրությանը: Հանրային քննարկումներին մասնակցում էին Տաշիր համայքնի Միխայելովկա բնակավայրի վարչական ղեկավար Պետրոս Դումիկյանը, Տաշիրի համայնքապետարանի համապատասխան ստորաբաժանման աշխատակիցները, «Երեմյան Ֆարմ» ՓԲԸ-ի ներկայացուցիչները, համայնքի բնակիչներ: Հանրային քննարկումը վարում էր Տաշիր համայնքի ղեկավարի լիազորված տվյալ հանրային լսման համար պատասխանատու անձ, Տաշիր համայնքի Միխայելովկա բնակավայրի վարչական ղեկավար Պետրոս Դումիկյանը, ով նախապես նշանակված ժամին բացեց հանրային քննարկումը: Նա ընթերցեց հանրային քննարկման օրակարգը և հայտնեց, որ հանրային քննարկման մասին հայտարարությունը, համաձայն սահմանված կարգի և օրենսդրության պահանջների, հրապարակվել են Տաշիր համայնքի պաշտոնական կայքում, փակցվել՝ Համայնքի ղեկավարի նստավայրի և ազդակիր բնակվայարի վարչկան շենքի՝ հայտարարությունների համար առանձնացված ցուցատախտակի վրա, քննարկումներից առնվազն քսանմեկ աշխատանքային օր առաջ հրապարակվել է «Առավոտ» օրաթերթում և հավելեց, որ սահմանված ժամկետում շահագրգիռ հանրության կողմից առաջարկություններ, դիտողություններ և կարծիքներ չեն ներկայացվել: Պ. Դումիկյանը համառոտ ներկայացրեց հանրային քննարկման ներկայացված հարցի բովանդակությունը՝ նշելով, որ հրավիրված հանրային քննարկումը վերաբերում է «Երեմյան Ֆարմ» ՓԲԸ-ի կողմից ՀՀ Լոռու մարզի Տաշիր համայնքի Միխայելովկա բնակավայրի վարչական տարածքում արդեն իսկ գործող խոշոր եղջրավոր կենդանիների ֆերմայում և խոզաբուծարանում կենդանիների գլխաքանակի ավալեցման և ֆերմայի վերազինման շրջակա միջավայրի վրա ազդեցության նախնական գնահատման վերաբերյալ հանրային քննարկման 1-ին փուլին: Այնուհետև Պ. Դումիկյանը խոսքը փոխանցեց «Երեմյան ֆարմ» ՓԲԸ ներկյացուցիչ Արտակ Անտոնյանին, ով ներկայացրերց հանրային քննարկում ձեռնարկող « Երեմյան ֆարմ» ՓԲ ընկերության գործունեությունը և ինչպես նաև ավելացրեց , որ արդեն 2-րդ անգամ է հրավիրում հանրային լսումներ Միխայելովկա բնակավայրում: Առաջին հանրային լսման ժամանակ բնակիչների կողմից բարձրացված հարցերը և խնդիրները վերլուծելով՝ Ընկերությունը հրավիրել է 2-րդ հանրային լսումը, որի ընթացքում կնեերկայացվեն վեր հանված խնդիրների լուծումները: Ա. Անտոնյանը նշեց, որ Ընկերությունը վերջին ամիսներին ուսումնասիրել է միջազգային փորձը, ընկերության աշխատակիցները փորձի փոխանակման նպատակով եղել են եվրոպական երկրներում և Ընկերությունը ընտրել է հոտի հտ պայքարի լավագույն և առաջադեմ միջոցը: Ա. Անտոնյանը հավելեց, որ «Երեմյան ֆարմ» ՓԲԸ-ն պատրաստ է կատարել ֆինասական մեծ ներդրումներ՝ խնդրի լուծման նպատակով: Ա. Անտոնյանը այնուհետև խոսքը փոխանցեց Ա. Խաչատրյանին, ով ներկայացրերց կեսաբանական թափոններից կեսագազ ստանալու ծրագիրը: Կենսագազը հետագայում օգտագործվելու է Ընկերության կեսագործունեությունը ապահովելու համար: Գոմաղբի պինդ զանգվածից Ընկերությունը պատրաստելու է չոր, անհոտ պարարտանյութ, որը հետագայում օգտագործվելու է ինչպես Ընկերության հողամասերը պարատացնելու , այնպես էլ վաճառվելուէ Հայաստանի ներքին շուկայում: Համյնքի բանկիչները հնչեցրեցին հարցեր և քննադատություններ, բնակիչների համար համազիչ չէին« Երեմյան Ֆարմ» ՓԲԸ-ի ներկայացուցիչների փաստարակները: Հանրային լսման մասնակիցների մեծամասնությունը դեմ էր նախատեսվող գործունեությանը: Ամփոփելով հանրային քննարկման արդյունքները՝ բնակավայրի բնակիչները, առաջարկեցին խնդրին տալ լուծում և միայն այդ դեպքում հրավիրել նոր հանրային քննարկում ընդլայնման աշխատանքերի վերաբերյալ Քննարկումների պատասխանատու՝ Տաշիր համայնքի Միխայելովկա բնակավայրի վարչական ղեկավար Պետրոս Դումիկյան
Ձեռնարկող` «Երեմյան Ֆարմ » ՓԲԸ լիազորված անձ Արծրուն Խաչատրյան