1․ՀՀ Լոռու մարզի Տաշիր համայնքի ղեկավարի որոշման կարգավորման առարկան․
ՀՀ քաղաքաշինության , տեխնիկական և հրդեհային անվտանգության տեսչական մարմնի և ՀՀ Լոռու մարզի Տաշիրի համայնքապետարանի աշխատակազմի կողմից կատարված ստուգումների արդյունքում պարզվել է, որ «Տելեկոմ Արմենիա» ՓԲԸ-ի տնօրեն Հայկ Եսայանը, Հայաստանի Հանրապետության վարչական իրավախախտումների վերաբերյալ օրենսգրքի իրավահարաբերության ծագման պահին գործող 48-րդ հոդվածի 1-ին մասի 2-րդ կետի սահմանած պահանջները խախտելով, առանց համապատասխան թույլտվության և հողօգտագործման իրավունքի,ինքնակամ զավթել է համայնքային սեփականություն հանդիսացող 06-092-0007-0004 ծածկագրով հողամասը և չի վերացրել դրա հետևանքները, որի համար օրենքով սահմանված կարգով նախատեսված է տուգանք նվազագույն աշխատավարձի հարյուրապատիկի չափով՝ 100․000 (հարյուր հազար) ՀՀ դրամ։
Նշված փաստի պատճառով 2026 թվականի հուլիսի 20-ին «Վարչարարությանն հիմունքների և վարչական վարույթի մասին» Հայաստանի Հանրապետության օրենքի 30-րդ հոդվածի 1-ին կետի «բ» ենթակետի և 34-րդ հոդվածով սահմանած կարգով, Հայաստանի Հանրապետության վարչական իրավախախտումների վերաբերյալ օրենսգրքի 48-րդ հոդվածի 1-ին մասի 2-րդ կետի պահանջների խախտման փաստով հարուցվել է վարչական վարույթ։
«Տելեկոմ Արմենիա» ՓԲԸ-ի տնօրեն Հայկ Եսայանը նախազգուշացվել է հողամասն ազատելու և նախկին տեսքին բերելու մասին: Լրացուցիչ կատարված տեղատեսության արդյունքում պարզվել է, որ «Տելեկոմ Արմենիա» ՓԲԸ-ի տնօրեն Հայկ Եսայանի կողմից ոչ մի միջոց չի ձեռնարկվել համայնքային սեփականություն հանդիսացող հողամասն ապօրինի տիրապետումից ազատելու ուղղությամբ:
2․«Վարչարարությանն հիմունքների և վարչական վարույթի մասին» Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ օբյեկտիվ քննության արդյունքում բացահայտելով գործի բոլոր հանգամանքները, վարչական մարմինը հաստատված է համարում հետևյալը․
Տաշիրի համայնքի Պրիվոլնոյե բնակավայրի վարչական տարածքում «Տելեկոմ Արմենիա» ՓԲԸ-ի տնօրեն Հայկ Եսայանը առանց համապատասխան թույլտվության և հողօգտագործման իրավունքի,ինքնակամ զավթել է համայնքային սեփականություն հանդիսացոզ հողամասը և չի վերացրել դրա հետևանքները; Նշված փաստական հանգամանքը հաշվի առնելով 2026 թվականի հուլիսի 17-ին « Վարչարաության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» կետի հիմքով Տաշիրի համայնքապետարանում հարուցված վարչական վարույթի շրջանակում 2026 թվականի օգոստոսի 17-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել է «Տելեկոմ Արմենիա» ՓԲԸ-ի տնօրեն Հայկ Եսայանը (հիմք՝ 21.07.2026-ի փոստային անդորրագիր) : (Վարչական վարույթի լսումներն իրականացվել են պատշաճ ծանուցված «Տելեկոմ Արմենիա» ՓԲԸ-ի տնօրեն Հայկ Եսայանի բացակայությամբ):
17․08․2026-ին «Տելեկոմ Արմենիա» ՓԲԸ-ի տնօրեն Հայկ Եսայանի ներկայացուցիչ Նվեր Սերոբյանը ներկայացրել է գրավորն դիրքորոշում ,վ վարձակալության պայմանագիր և վարձակալության իրավունքի գրանցման վկայական, որոնք վերաբերում են 06-092- 0112-0004 ծածկագրով հողամասին։
3.Վարչական ակտն ընդունելու հիմնավորումը.
ՀՀ քաղաքաշինության , տեխնիկական և հրդեհային անվտանգության տեսչական մարմնի արձանագրությունը․, Տաշիրի համայնքի Պրիվոլնոյե բնակավայրի վարչական ղեկավարի կողմից 17.08.2026-ին կազմված թիվ 3/1 արձանագրությունը և տեղազննության ակտը:
Համաձայն « Տեղական ինքնակառավարման մասին» ՀՀ օրենքի 35-րդ հոդվածի առաջին մասի 26-րդ կետի՝ համայնքի ղեկավարը,օրենքով նախատեսված դեպքերում և կարգով անձանց ենթարկում է վարչական պատասխանատվության: Հայաստանի հանրապետության հողային օրենսգրքի 43-րդ հոդվածի 2-րդ մասի համաձայն՝ համայնքի ղեկավարը կանխարգելում ,կասեցնում և վերացնում է ապօրինի հողօգտագործումը համայնքի վարչական սահմաններում, օրենքով սահմանված դեպքերով ու կարգով հողային օրենսդրության պահանջները խախտողների նկատմամբ կիրառում է վարչական տույժեր,ինչպես նաև իրավասու մարմիններ է ներկայացնում հաղորդումներ իրավախախտում թույլ տված անձանց՝ օրենքով սահմանված պատասխանատվության ենթարկելու վերաբերյալ: Հայաստանի Հանրապետության հողային օրենսգրքի 116-րդ հոդվածի 2-րդ մասի համաձայն՝ինքնակամ զբաղեցրած հողամասերը վերադարձվում են դրանց սեփականատերերին, օգտագործողների՝ առանց հողային օրենսդրությունը խախտողների կողմից այդ հողամասերի ապօրինի օգտագործման ժամանակահատվածում կատարված ծախսերի հատոջցման: Տվյալ դեպքում «Տելեկոմ Արմենիա» ՓԲԸ-ի տնօրեն Հայկ Եսայանը Տաշիր համայնքի վարչական տարածքում առանց համապատասխան թույլտվության և հողօգտագործման իրավունքի ինքնակամ զավթել է համայնքային սեփականություն հանդիսացող հողամասը և չի վերացրել դրա հետևանքները: Հայաստանի Հանրապետության վարչական իրավախախտումների վերաբերյալ օրենսգրքի իրավահարաբերության ծագման պահին գործող 48-րդ հոդվածի 1-ին մասի 2-րդ կետի համաձայն՝ պետական և (կամ) համայնքային սեփականություն հանդիսացող հողամասերն ինքնակամ զավթելը դրա հետևանքները չվերացնելը՝ -առաջացնում է տուգանքի նշանակում ՝սահմանված նվազագայույն աշխատավարձի հարյուրապատիկի չափով:
Ելնելով վերոգրյալից ,հիմք ընդունելով ՀՀ քաղաքաշինության , տեխնիկական և հրդեհային անվտանգության տեսչական մարմնի կազմած արձանագրությունը, Տաշիր համայնքի Պչիվոլնոյե բնակավայրի վարչական ղեկավարի կողմից Հայաստանի Հանրապետության վարչական իրավախախտումների վերաբերյալ օրենսգրքի 48-րդ հոդվածի 1-ին մասի 2-րդ կետի պահանջների հատկանիշներով նախատեսված «Տելեկոմ Արմենիա» ՓԲԸ-ի տնօրեն Հայկ Եսայանի կողմից վարչական իրավախատում կատարելու հիմքով 2026 թվականի օգոստոսի 17-ին կազմած 3/1 արձանագրությունը և ղեկավարվելով Հայաստանի Հանրապետության հողային օրենսգրքի 43-րդ հոդվածի 2-րդ մասով, 116-րդ հոդվածի 2-րդ մասով, Հայաստանի Հանրապետության վարչական իրավախախտումենրի մասին օրենսգրքի 48-րդ հոդվածի 1-ին մասի 1-ին կետով , 219.1-րդ հոդվածի 1-ին պարբերությամբ, 23-րդ հոդվածի 2-րդ մասի, 32-րդ հոդվածի 1-ին, 2-րդ պարբերություններով, 35-րդ հոդվածի 2-րդ պարբերությունով, 37-րդ, 281-րդ, 282-րդ և 283-րդ հոդվածներով, «Վարչարաության հիմունքների և վարչական վարույթի մասին» Հայստանի Հանրապետության օրենքի 36-րդ հոդվածով , 30-րդ հոդվածի 1-ին մասի բ) կետով , 53-րդ, 58-60-րդ հոդվածներով և «Տեղական ինքնակառավարման մասին» Հայստանի Հանրապետության օրենքի 35-րդ հոդվածի 1-ին մասի 26-րդ կետով՝
ՈՐՈՇՈՒՄ ԵՄ՝
1. «Տելեկոմ Արմենիա» ՓԲԸ-ի տնօրեն Հայկ Եսայանին ենթարկել վարչական պատասխանատվության Հյասատանի Հանրապետության վարչական իրավախատումենրի մասին օրենսգրքի 48-րդ հոդվածի 1-ին մասի 2-րդ կետի պահանջներով նախատեսված արարքը կատարելու համար և նշանակել տուգանք 100000 ( հարյուր հազար) ՀՀ դրամ:
2. Հայաստանի Հանրապետության վարչական իրավախախտումների վերաբերյալ օրենսգրքի 305-րդ հոդվածի համաձայն տուգանքը պետք է վճարվի սույն որոշումը իրավախախտում կատարած անձի կողմից ստանալուց ոչ ուշ, քան տասնհինգ օրվա ընթացքում`ՀՀ ֆինասների նախարարության գործառնական վարչության Տաշիրի համայնքապետարանի 900275081298 հաշվարկային հաշվին:
3.Տաշիր համայնքի վարչական տարածքում համայնքային սեփականություն հանդիսացող «Տելեկոմ Արմենիա» ՓԲԸ-ի տնօրեն Հայկ Եսայանի կողմից զավթած տարածքն ազատել,իսկ դրա հետևանքները վերացնել:
4. Սույն որոշումը կարող է դատական կարգով բողոքարկվել ՀՀ վարչական դատարան՝«Վարչարարության հիմունքների և վարչական վարույթի մասին» ՀՀ օրենքի 70-րդ և ՀՀ վարչական դատավարության օրենսգրքի 73-րդ հոդվածներով նախատեսված կարգով՝դրա ուժի մեջ մտնելու օրվանից երկամսյա ժամկետում:
5. Սույն որոշման պահանջները չկատարելու դեպքում «Վարչական հիմունքների և վարչական վարույթի մասին» Հայաստանի Հանրապետության օրենքի 88-րդ հոդվածով սահմանված կարգով այն ենթակա է հարկադիր կատարման՝ՀՀ ԱՆ ԴԱՀԿ ծառայության միջոցով՝ անբողոքարկելի դառնալուց հետո եռամսյա ժամկետում:
6.Որոշումն ուժի մեջ է մտնում վարչական ակտի հասցեատիրոջն իրազեկելու օրվան հաջորդ օրվանից: