1.ՀՀ Տաշիր համայնքի ղեկավարի որոշման կարգավորման առարկան․

Հովհաննես Գանեյանը, Ռուզաննա Գանեյանը, Ասքանազ Գանեյանը և Լորետա Գանեյանը, հանդիսանալով հողի հարկ և անշարժ գույքի հարկ վճարող սուբյեկտ, իրավահարաբերության ծագման պահին գործող « Հողի հարկի մասին» ՀՀ օրենքով և ՀՀ հարկային օրենսգրքով սահմանված կարգով չեն  կատարել հողի հարկ և անշարժ գույքի հարկ վճարելու պարտականությունը, ինչի կապակցությամբ 2024 թվականի դեկտեմբերի 13-ին « Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» ենթակետի հիմքով Տաշիրի համայնքապետարանի աշխատակազմում հարուցվել է վարչական վարույթ՝ հողի հարկի և գույքահարկի գանձման հարցի քննության նպատակով: «Վարչարարության հիմունքների և վարչական վարույթի մասին» Հայաստանի Հանրապետության օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ օբյեկտիվ քննության արդյունքում բացահայտելով գործի բոլոր հանգամանքները, վարչական մարմինը հաստատված է համարում հետևյալը.

2. Վարչական ակտն ընդունելու համար հիմք հանդիսացող փաստերը.

Համաձայն Տաշիրի համայնքապետարանի ֆինանսատնտեսագիտական,եկամուտների հաշվառման և հավաքագրման բաժնի և ՀՀ Կադաստրի կոմիտեի կողմից տրամադրված տվյալների՝ 2․7417 հա ընդհանուր մակերեսով,06-100-0139-0036,06-100-0061-0008,06-100-0063-0003,06-100-0125-0222,06-100-0060-0053,06-100-0028-0004,06-100-0125-0023 և 06-100-0129-0003 ծածկագրերով  հողամասերը հանդիսանում են Հովհաննես Գանեյանը, Ռուզաննա Գանեյանը, Ասքանազ Գանեյանը և Լորետա Գանեյանը սեփականությունը, որոնք իրավահարաբերության ծագման պահին գործող «Հողի Հարկի մասին» ՀՀ օրենքով և ՀՀ հարկային օրենսգրքով համարվում են հարկվող օբյեկտ :

Նշված հողատմասերի հողի հարկը 2008-2020 թվականների համար կազմում է  224․102 (երկու հարյուր քսանչորս հազար հարյուր երկու)  ՀՀ դրամ,որից 139․832 (հարյուր երեսունինը  հազար ութ հարյուր երեսուներկու ) ՀՀ դրամ՝ որպես ապառք, 84․270  (ութսունչորս հազար երկու   հարյուր յոթանասուն) ՀՀ դրամ՝ որպես տույժ ։

Անշարժ գույքի հարկը 2021-2024 թվականների համար  կազմում է   36․631(երեսունվեց հազար վեց հարյուր երեսունմեկ) ՀՀ դրամ։

2024 թվականի դեկտեմբերի 13-ին  «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի առաջին մասի «բ» կետի հիմքով Տաշիրի համայնքապետարանում հարուցված վարչական վարույթի շրջանակներում 2024 թվականի դեկտեմբերի 25-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել և չի ներկայացել Հովհաննես Գանեյանի, Ռուզաննա Գանեյանի, Ասքանազ Գանեյանի և Լորետա Գանեյանի (հիմք՝ փոստային անդորրագիր 21․12․2024) :

(Վարչական վարույթի լսումներն իրականացվել են պատշաճ ծանուցված  Հովհաննես Գանեյանի, Ռուզաննա Գանեյանի, Ասքանազ Գանեյանի և Լորետա Գանեյանի բացակայությամբ):

3. Վարչական ակտ ընդունելու հիմնավորումը.

ՀՀ Սահմանադրության 60-րդ հոդվածի համաձայն՝ յուրաքանչյուր ոք պարտավոր է օրենքով սահմանված կարգով և չափով մուծել հարկեր, կատարել պարտադիր այլ վճարումներ: Համաձայն իրավահարաբերության ծագման պահին գործող «Հողի հարկի մասին» ՀՀ օրենքի 1-ին հոդվածի՝ հողի հարկ վճարողներ են հանդիսանում հողի սեփականատերերը,պետական սեփականություն հանդիսացող հողի մշտական օգտագործողները: Համաձայն իրավահարաբերության ծագման պահին գործող «Հողի հարկի մասին» ՀՀ օրենքի 16-րդ հոդվածի` հողի հարկի գումարը համայնքի վարչական սահմաններում գտնվող հողամասերի համար վճարվում է հարկվող օբյեկտի գտնվելու վայրի համայնքի բյուջե: Համաձայն ՀՀ հարկային օրեսգրքի 225-րդ հոդվածի ՝ անշարժ գույքի հարկ վճարողներ են համարվում կազմակերպություններն ու ֆիզիկական անձինք։ Համաձայն ՀՀ հարկային օրենսգրքի 227-րդ հոդվածի՝ անշարժ գույքի հարկով հարկման օբյեկտ է համարվում անշարժ գույքը՝ հողամասերը և (կամ) դրանց բարելավումները։ Համաձայն ՀՀ հարկային օրենսգրքի 401-րդ հոդվածի՝ հարկային վճարումը սահմանված ժամկետներից ուշացնելու դեպքում ժամկետանց յուրաքանչյուր օրվա համար հարկ վճարողը կամ հարկային գործակալը վճարում է տույժ՝ 0.04 տոկոսի չափով։ Հարկային պարտավորությունների գծով գումարների վճարումը սահմանված ժամկետից ուշացնելու դեպքում տեղական ինքնակառավարման մարմինը որոշում է կայացնում հարկ վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում վերջինիս: Ելնելով վերոգրյալից և ղեկավարվելով իրավահարաբերության պահին գործող «Հողի հարկի մասին» ՀՀ օրենքի 1-ին,16-րդ, ՀՀ հարկային օրենսգրքի 398-րդ, «Վարչարարության հիմունքների և վարչակական վարույթի մասին» ՀՀ օրենքի 53-րդ, 58-60-րդ հոդվածներով ՝

                                                                              Ո Ր Ո Շ ՈՒ Մ ԵՄ՝

1․Հովհաննես Գանեյանից, Ռուզաննա Գանեյանից, Ասքանազ Գանեյանից և Լորետա Գանեյանից հօգուտ Տաշիր համայնքի բյուջեի գանձել  260․733 ( երկու հարյուր վաթսուն հազար յոթ հարյուր երեսուներեք ) ՀՀ դրամ՝ որպես հողի հարկի և անշարժ գույքի հարկի պարտքի գումար․

224․102 (երկու հարյուր քսանչորս հազար հարյուր երկու)   ՀՀ դրամ՝ որպես 2․7417 հա ընդհանուր մակերեսով,06-100-0139-0036,06-100-0061-0008,06-100-0063-0003,06-100-0125-0222,06-100-0060-0053,06-100-0028-0004,06-100-0125-0023 և 06-100-0129-0003 ծածկագրով հողամասերի հողի հարկ, որից  139․832 (հարյուր երեսունինը  հազար ութ հարյուր երեսուներկու ) ՀՀ դրամ՝ որպես ապառք, 84․270  (ութսունչորս հազար երկու   հարյուր յոթանասուն) ՀՀ դրամ՝ որպես տույժ ,

36․631(երեսունվեց հազար վեց հարյուր երեսունմեկ) ՀՀ դրամ՝ որպես անշարժ գույքի հարկ։ Հաշվեգրել և բռնագանձել մայր գումար և տոկոսներ մինչև պարտավորության փաստացի կատարման օրը ներառյալ։

2. Սույն որոշումը կարող է վարչական կարգով բողոքարկվել Տաշիրի համայնքի ղեկավարին՝ այն ստանալուց և դրա ուժի մեջ մտնելու օրվանից 2 ամսվա ընթացքում կամ դատական կարգով Հայաստանի Հանրապետության վարչական դատարան՝երկամսյա ժամկետում:

3. Սույն որոշման պահանջները կամովին չկատարելու դեպքում «Վարչարարության հիմունքների և վարչական վարույթի մասին» ՀՀ օրենքի 88-րդ հոդվածով սահմանված կարգով այն ենթակա է կատարման ՀՀ ԱՆ ՀԿԱ ծառայության միջոցով անբողոքարկելի դառնալուց հետո եռամսյա ժամկետում.

4. Սույն որոշման կատարման ընթացքի նկատմամբ հսկողությունն իրականացնում է Տաշիր համայնքի ղեկավարը:

5. Որոշումը ուժի մեջ է մտնում ընդունման հաջորդ օրվանից:

6․Հողի հարկը պետք է վճարել ՀՀ ֆինանսների նախարարության գործառնական վարչության Տաշիրի համայնքապետարանի 900275084037 հաշվեհամարին, անշարժ գույքի հարկը՝ 900275002021 հաշվեհամարին։