2023թ. հունիսի 5-ին, ժամը՝ 12:00-ին, ՀՀ Լոռու մարզի Տաշիրի համայնքապետարանի շենքում տեղի ունեցավ <<ՔԱՐԱԼԵՌ>> ՍՊԸ-ի կողմից ներկայացված ՀՀ Լոռու մարզի Սարատովկայի բազալտների հանքավայրի շահագործման աշխատանքների շրջակա միջավայրի վրա ազդեցության նախնական գնահատման վերաբերյալ հանրային քննարկումներ /3-րդ փուլ/
Հանրային քննարկումներին մասնակցում էին ՀՀ Լոռու մարզի Տաշիրի համայնքի ղեկավար Է. Արշակյանը, <<ՔԱՐԱԼԵՌ>> ՍՊԸ-ի տնօրեն Ա. Մովսիսյանը, ընկերության բնապահպանական խորհրդատու Զ․Զուռնաչյանը և համայնքի բնակիչներ:
Ելույթ ունեցան
ՀՀ Լոռու մարզի Տաշիրի համայնքի ղեկավար Է․Արշակյանը նշեց, որ համայնքում իրականացնում են 3-րդ հանրային քննարկումները: Համայնքը պատշաճ ծանուցված է, ամեն ինչ նորմայի սահմաններում է, մենք շահագրգռված ենք, որ իրակացնեն հանքարդյունահանման աշխատանքներ, որ որոշակի ընտանիքներ աշխատեն, բարելավվի համայնքի սոցիալ-տնտեսական իրավիճակը:
Ընկերության տնօրենը ներկայացրեց ՀՀ օրենսդրությունը, որ համաձայն <<Շրջակա միջավայրի վրա ազդեցության գնահատման և փորձաքննության մասին>> ՀՀ օրենքի բոլոր հանքավայրերի երկրաբանական ուսումնասիրության աշխատանքները ենթակա են շրջակա միջավայրի վրա ազդեցության փորձաքննության 2 փուլով 4 հանրային քննարկումների իրականացմամբ: Այս հանրային քննարկմամբ տեղեկացնում ենք, որ ընկերությունը ստացել է լիազոր մարմնի կողմից տեխնիկական առաջադրանք։
Ելույթ ունեցան համայնքի բնակիչներ ովքեր միաձայն ողջունեցին նախատեսվող գործունեությանը։
Ամփոփելով հանրային քննարկման արդյունքները՝ մասնակիցները որոշեցին հավանություն և նախնական համաձայնություն տալ <<ՔԱՐԱԼԵՌ>> ՍՊԸ-ի կողմից ներկայացված ՀՀ Լոռու մարզի Սարատովկայի բազալտների հանքավայրի շահագործման աշխատանքներին:
Կից ներկայացվում է մասնակիցների ցանկը` 1 թերթ: